మునగ నూనె అంటే?
మునగనూనె అనగానే మునగ ఆకుల నుంచి తయారు చేస్తారు అనుకుంటాం. కానీ, మునగ నూనెను మునగ గింజల నుంచి తయారు చేస్తారు. మునగ గింజల్లో నూనె శాతం ఎక్కువగా ఉంటుంది. పోషకాలు ఎక్కువగా ఉంటాయి, ప్రొటీన్లుంటాయి. ఇది ఎసెన్షియల్ నూనె రూపంలో, వంట నూనె రూపంలో కూడా దొరుకుతుంది. చాలా రకాల చర్మ, ఇతర సౌందర్య ఉత్పత్తుల్లో దీన్ని వాడతారు. మునగ నూనెలో ఒలెయిక్ ఆమ్లం ఉంటుంది. ఇది మోనోశాచ్యురేటెడ్ కొవ్వులను కలిగి ఉంటుంది. ఇది ఆరోగ్యకరమైన కొవ్వు. వంట కోసం వాడినప్పుడు మంచి పోషకాలు అందిస్తుంది. రోజూవారీ కూడా ఈ వంటనూనెను కొద్దిమొత్తంలో వాడటం మొదలుపెట్టి చూడొచ్చు.
