20 వేల పోలీస్ సిబ్బంది కొరత
వైసీపీ అధినేత జగన్ సెక్యూరిటీని తగ్గించలేదని అనిత అన్నారు. జగన్ కావాలనే అనవసరంగా రాద్ధాంతం చేస్తున్నారన్నారు. రాజమహేంద్రవరం కేంద్ర కారాగారాన్ని పరిశీలించిన అనంతరం హోంమంత్రి మీడియాతో మాట్లాడారు. సెక్యూరిటీ లేకపోతే ప్రజలు దాడి చేస్తారని జగన్ భయపడుతున్నారని ఎద్దేవా చేశారు. రాష్ట్రంలో 20 వేల మంది పోలీసుల కొరత ఉంటే, జగన్ ఒక్కరికే 900 మంది సెక్యూరిటీ కావాలా? అని ప్రశ్నించారు. గత ప్రభుత్వం చంద్రబాబు ఎలాంటి తప్పు చేయకపోయినా 53 రోజులు అన్యాయంగా జైలులో పెట్టిందన్నారు. రాజమండ్రి జైలులోని స్నేహ బ్లాక్‌ చూసి తాను భావోద్వేగానికి గురయ్యానని తెలిపారు. జైలులో ఖైదీల సౌకర్యాలపై ఆరా తీసినట్లు చెప్పారు.
