వచ్చే ఖరీఫ్ నుంచి 48 గంటల్లోనే ఖాతాల్లో డబ్బులు
ఉమ్మడి పశ్చిమ గోదావరి జిల్లాలో 35,374 మంది రైతుల ఖాతాల్లో ధాన్యం బకాయిలు రూ.472 కోట్లు జమ చేశామని మంత్రి నాదెండ్ల మనోహర్ తెలిపారు. వచ్చే ఖరీఫ్ సీజన్‌ నుంచి ధాన్యం కొనుగోలు చేసిన 48 గంటల్లోనే రైతుల ఖాతాలో డబ్బులు జమ వేస్తామని మంత్రి ప్రకటించారు. ప్రకృతి విపత్తులతో నష్టపోయిన కౌలు రైతులను ఆదుకుంటామన్నారు. గత ప్రభుత్వం కౌలు రైతులను నిర్లక్ష్యం చేస్తే జనసేన అధినేత పవన్ కల్యాణ్ సొంత నిధులతో కౌలు రైతులను ఆదుకున్నారని గుర్తుచేశారు. ధాన్యం కొనుగోలు విషయంలో ఎక్కడా వెనుకాడబోమని, చివరి ధాన్యం గింజ వరకూ కొనుగోలు చేస్తామన్నారు.
