జూనియర్ ఎన్టీఆర్ (Jr NTR) హీరోగా కొరటాల శివ దర్శకత్వంలో రూపొందుతోన్న పాన్ ఇండియా మూవీ ‘దేవర’ (Devara). జాన్వీ కపూర్ హీరోయిన్ గా నటిస్తున్న ఈ చిత్రంలో సైఫ్ అలీ ఖాన్ (Saif Ali Khan) విలన్. ఈ సినిమాపై ప్రేక్షకుల్లో భారీ అంచనాలున్నాయి. త్వరలో ఈ సినిమా నుంచి బిగ్ సర్ ప్రైజ్ రాబోతుంది.
‘దేవర’ నుంచి ఇప్పటికే గ్లింప్స్, రెండు సాంగ్స్ విడుదలై ఆకట్టుకున్నాయి. ఇక ఇప్పుడు మరో గ్లింప్స్ కి ముహూర్తం ఖరారైంది. సైఫ్ అలీ ఖాన్ పుట్టినరోజు(ఆగష్టు 16) సందర్భంగా ఆయన పాత్రను పరిచయం చేస్తూ స్పెషల్ గ్లింప్స్ విడుదల చేయబోతున్నారట. ఈ చిత్రంలో భైర అనే పాత్ర పోషిస్తున్నాడు సైఫ్. ఇప్పటికే ఫస్ట్ లుక్ విడుదలై మెప్పించింది. ఇప్పుడు గ్లింప్స్ తో ఆయన పాత్ర తీరు ఎలా ఉండబోతుందో చూపించబోతున్నారు.
ఈ ఆగష్టు నెలలో దేవర నుంచి అభిమానులకు అదిరిపోయే సర్ ప్రైజ్ లు వస్తున్నాయి. ఇదే నెలలో సెకండ్ సింగిల్ విడుదలయింది. ఇప్పుడు సైఫ్ అలీ ఖాన్ బర్త్ డే గ్లింప్స్ తో పాటు, థర్డ్ సింగిల్ కూడా ఈ ఆగష్టు నెలలోనే విడుదల కానుందని సమాచారం.
ఎన్టీఆర్ ఆర్ట్స్, యువసుధ ఆర్ట్స్ సంయుక్తంగా నిర్మిస్తున్న దేవర మూవీ రెండు భాగాలుగా రానుంది. మొదటి భాగం సెప్టెంబర్ 27న విడుదల కానుంది. అనిరుధ్ ఈ చిత్రానికి సంగీతం అందిస్తున్నాడు.
