విజయ్ సేతుపతి లైనప్
నిథిలన్ స్వామినాథన్ దర్శకత్వంలో విజయ్ సేతుపతి నటించిన మహారాజ చిత్రం జూన్‍లో రిలీజై బిగ్ హిట్ అయింది. నెట్‍‍ఫ్లిక్స్ ఓటీటీలోనూ సూపర్ సక్సెస్ అయింది. భారీ వ్యూస్ దక్కించుకుంటోంది. ఇక ప్రస్తుతం వెట్రిమారన్ దర్శకత్వంలో విడుదలై పార్ట్-2లో విజయ్ సేతుపతి నటిస్తున్నారు. ఈ చిత్రం నుంచి ఇటీవలే వచ్చిన సేతుపతి ఫస్ట్ లుక్ రస్టిక్‍గా ఇంట్రెస్టింగ్‍గా ఉంది. ఈ చిత్రానికి ఇళయరాజ సంగీతం అందిస్తున్నారు. ఆర్ఎస్ ఇన్ఫోటైన్‍మెంట్, గ్రాస్ రూట్ ఫిల్మ్ కార్పొరేషన్ బ్యానర్లు నిర్మిస్తున్నాయి. ఈ చిత్రాన్ని ఈ ఏడాదిలోనూ రిలీజ్ చేసేందుకు మేకర్స్ ప్లాన్ చేసుకుంటున్నారు. విజయ్ సేతుపతి చేసిన ‘గాంధీటాక్స్’ అనే ఓ సైలెంట్ మూవీ కూడా రావాల్సి ఉంది. ఈ మూవీలో అదితి రావ్ హైదరి, అరవింద్ స్వామి కూడా కీలకపాత్రల్లో నటించారు. కిశోర్ పాండురంగ్ బేలేకర్ దర్శకత్వం వహిస్తున్న ఈ చిత్రం షూటింగ్ ఇప్పటికే కంప్లీట్ అయింది.
