సూక్ష్మ, చిన్న తరహా సంస్థలు, చిన్న తయారీ యూనిట్లు, సేవా రంగ యూనిట్లు, దుకాణాలు, పండ్లు / కూరగాయాల షాపులు, ట్రక్ ఆపరేటర్లు, ఆహార-సేవ యూనిట్లు, మరమ్మతు దుకాణాలు, మెషిన్ ఆపరేటర్లు, చిన్న పరిశ్రమలు, చేతివృత్తులవారు, ఆహార సంస్థలు ఈ పథకం కింద లోన్లు పొందవచ్చు. అర్హులకు ప్రభుత్వ, ప్రైవేట్, సహకార, ప్రాంతీయ, గ్రామీణ బ్యాంకులు, నాన్-బ్యాంకింగ్ ఫైనాన్స్ కంపెనీ, స్మాల్ ఫైనాన్స్ బ్యాంకుల నుంచి రుణాలు అందిస్తారు. ఆర్బీఐ మార్గదర్శకాల ప్రకారం వడ్డీ రేట్లను బ్యాంకులు నిర్ణయిస్తాయి. శిశు రుణాలకు 1%-12% వరకు వడ్డీ రేట్లు ఉంటాయి. ఆర్ఆర్బీ, ఎస్సీబీలు 3.5 శాతం, ఎన్బీఎఫ్సీలు 6 శాతానికి రుణాలు అందిస్తున్నాయి. కిషోర్ రుణాల వడ్డీ శాతం 8.6 నుంచి ప్రారంభం అవుతుంది. తరుణ్ రుణాలకు 11.15%-20% వరకు వడ్డీ రేట్లు ఉంటాయి.
