క్షణికావేశంతో నిర్ణయం
కోడలు సృజన ఆత్మహత్యకు ప్రధాన కారణం భర్త తల్లికి ఎక్కువగా ప్రాధాన్యత ఇవ్వడమేనట. అంతా అన్యోన్యంగా కలిసి మెలిసి ఉన్నా.. భర్త దుబాయ్ నుంచి డబ్బులు తల్లికి పంపించడం, తల్లికి ఎక్కువగా ప్రాధాన్యత ఇవ్వడంతోనే సృజన ఆత్మహత్య చేసుకుందని స్థానికులు భావిస్తున్నారు. కుటుంబ సభ్యులు మాత్రం ఏం సమస్య లేదంటున్నారు. అత్త కోడలు ఒక్కింట్లో పుట్టిన వారేనని, మేనకోడలు ఇలా చేస్తుందని ఎప్పుడూ అనుకోలేదంటున్నారు కుటుంబ సభ్యులు. అత్తాకోడలు అక్క చెల్లెళ్ల మాదిరిగా కలిసి ఉంటారని స్థానికులు తెలిపారు. కానీ భర్త పంపించే డబ్బుల విషయంలో క్షణికావేశానికి గురై సృజన ఆత్మహత్య చేసుకోవడం బాధాకరం అంటున్నారు.
