కోల్ కతా ఆసుపత్రిపై దాడి నేపథ్యం
కోల్ కతాలోని ఆర్జీ కర్ కాలేజ్ అండ్ హాస్పిటల్ పై బుధవారం రాత్రి జరిగిన దాడి నేపథ్యంలో కేంద్ర ఆరోగ్య, కుటుంబ సంక్షేమ మంత్రిత్వ శాఖ ఈ ప్రకటన విడుదల చేసింది. ఆగస్టు 9న రాత్రి ఆసుపత్రి సెమినార్ గదిలో అత్యాచారం, హత్యకు గురైన 31 ఏళ్ల ట్రైనీ డాక్టర్ (Kolkata doctor rape and murder) కు న్యాయం చేయాలని డిమాండ్ చేస్తూ వైద్యులు ఆందోళనకు దిగారు. కోల్ కతాలోని ఆర్ జీ కర్ మెడికల్ కాలేజీ సెమినార్ హాల్ లో జూనియర్ డాక్టర్ హత్యాచారంపై దేశవ్యాప్తంగా తీవ్ర స్థాయిలో ఆగ్రహావేశాలు వ్యక్తమవుతున్నాయి. ప్రజలు, ముఖ్యంగా వైద్య సిబ్బంది విధులను బహిష్కరించి, నిరసనల్లో పాల్గొంటున్నారు.
