UGC NET 2024 : యూజీసీ-నెట్ పరీక్ష హాల్ టికెట్లను నేషనల్ టెస్టింగ్ ఏజెన్సీ విడుదల చేసింది. ఆగస్టు 21, 22, 23 తేదీల్లో నిర్వహించే అడ్మిట్ కార్డులను వెబ్ సైట్ లో అందుబాటులో ఉంచింది. దేశవ్యాప్తంగా ఆగస్టు 21 నుంచి సెప్టెంబర్ 4వ తేదీ వరకు 83 సబ్జెక్టులకు కంప్యూటర్ ఆధారిక పరీక్ష నిర్వహిస్తున్నారు. పరీక్షలకు హాజరయ్యే అభ్యర్థులకు పరీక్ష కేంద్రం, తేదీల వివరాలను ఇప్పటికే తెలియజేశారు. తాజాగా ఈ నెల 21, 22, 23 తేదీల్లో నిర్వహించే పరీక్షల అడ్మిట్ కార్డ్లు విడుదల చేశారు. అప్లికేషన్ నెంబర్, పుట్టిన తేదీ వివరాలు నమోదు చేసి అభ్యర్థులు తమ అడ్మిట్ కార్డ్ని అధికారిక వెబ్ సైట్ https://ugcnet.nta.ac.in/ నుంచి డౌన్లోడ్ చేసుకోవాలని అధికారులు సూచించారు. అడ్మిట్ కార్డులను ఈ నెల 17 నుంచి అభ్యర్థులకు అందుబాటులో ఉంచినట్లు ప్రకటించారు.
Home Andhra Pradesh యూజీసీ నెట్ హాల్ టికెట్లు విడుదల, పరీక్షల రీషెడ్యూల్ ఇదే-ugc net 2024 re examination...