ప్రజెంట్ ఇండియాలో బిగ్గెస్ట్ స్టార్ ఎవరంటే ఎక్కువమంది మదిలో మెదిలే పేరు ప్రభాస్ (Prabhas). పాన్ ఇండియా స్టార్ గా ఆయన తిరుగులేని క్రేజ్ ని సొంతం చేసుకున్నాడు. అలాంటి ప్రభాస్ ని జోకర్ లా ఉన్నాడంటూ ఓ ప్రముఖ బాలీవుడ్ యాక్టర్ కామెంట్ చేయడం హాట్ టాపిక్ గా మారింది.
ఇటీవల ‘కల్కి’తో మరో బ్లాక్ బస్టర్ ని ఖాతాలో వేసుకున్నాడు ప్రభాస్. ఈ సినిమా వరల్డ్ వైడ్ గా రూ.1100 కోట్లకు పైగా గ్రాస్ రాబట్టింది. ఈ సినిమాపైన, ప్రభాస్ పైన ఎందరో ప్రశంసలు కురిపించారు. అయితే బాలీవుడ్ నటుడు అర్షద్ వార్సీ మాత్రం.. కల్కిలో ప్రభాస్ లుక్ జోకర్ లా ఉందని షాకింగ్ కామెంట్స్ చేశాడు. కల్కి తనకు నచ్చలేదని.. అమితాబ్ బచ్చన్ పాత్రతో పోలిస్తే, ప్రభాస్ పాత్ర తేలిపోయిందని అన్నాడు. మ్యాడ్ మ్యాక్స్ తరహాలో ప్రభాస్ పాత్ర ఉంటుందని ఆశించాననీ, కానీ తెరపై ఆయనను చూస్తున్నప్పుడు బాధగా అనిపించిందని చెప్పుకొచ్చాడు. ప్రభాస్ గురించి అర్షద్ వార్సీ చేసిన కామెంట్స్ ప్రస్తుతం సోషల్ మీడియాలో వైరల్ అవుతున్నాయి. దీనిపై ప్రభాస్ ఫ్యాన్స్ రకరకాలుగా స్పందిస్తున్నారు.
