HYDRA AV Ranganath : హీరో నాగార్జునకు చెందిన ఎన్ కన్వెన్షన్ సెంటర్ కూల్చివేతపై హైడ్రా కమిషనర్ ఏవీ రంగనాథ్ స్పందించారు. తుమ్మడికుంట ఎఫ్టీఎల్, బఫర్ జోన్ లోని అక్రమ కట్టడాలను హైడ్రా, జీహెచ్ఎంసీ, టౌన్ప్లానింగ్, రెవెన్యూ సిబ్బంది కూల్చివేసినట్లు తెలిపారు. తుమ్మడికుంటలోని అక్రమ నిర్మాణాల్లో ఎన్ కన్వెన్షన్ సెంటర్ ఒకటన్నారు. ఎన్ కన్వెన్షన్ కు జీహెచ్ఎంసీ అనుమతులు లేవన్నారు. చెరువు ఎఫ్టీఎల్లో ఎకరా 12 గుంటలు, బఫర్ జోన్ లో 2 ఎకరాల 18 గుంటల్లో ఎన్ కన్వెన్షన్ ను అక్రమంగా నిర్మించారన్నారు. గతంలో బిల్డింగ్ రెగ్యులేషన్ స్కీమ్ కింద అనుమతుల కోసం ప్రయత్నించిందన్నారు. అయితే బీఆర్ఎస్ అనుమతి ఇవ్వలేదన్నారు.