రాష్ట్ర వ్యాప్తంగా 12,993 గ్రామ పంచాయతీలు, 32 జిల్లా పరిషత్ లు, 540 మండల పరిషత్ లు వీటి పరిధిలో వార్డు సభ్యలు, మండల ప్రాదేశిక నియోజకవర్గ (ఎంపీటీసీ) సభ్యులు, జిల్లా ప్రాదేశిక నియోజకవర్గ (జెడ్పీటీసీ) సభ్యులు పోస్టులకు ఎన్నికలు జరగాలి. ఇంకో వైపు వచ్చే ఏడాది జనవరిలో పట్టణ స్థానిక సంస్థలైన నగర పంచాయతీలు, మున్సిపాలిటీలు, మున్సిపల్ కార్పొరేషన్ల పదవీ కాలం కూడా పూర్తి కావొస్తోంది. రాష్ట్రంలో 147 నగర పంచాయతీలు, 129 మున్సిపాలిటీలు, 17 కార్పొరేషన్లు ఉన్నాయి. దీంతో మొత్తంగా అటు గ్రామీణ, ఇటు పట్టణ స్థానిక సంస్థలకు ఎన్నికలు నిర్వహించడానికి కాంగ్రెస్ తన హామీని నిలబెట్టుకుని కులగణన త్వరగా పూర్తి చేస్తుందా? అన్న అంశంపై చర్చ జరుగుతోంది.
