కంపెనీ పై విశ్వాసం
బోనస్ ఇష్యూలు దాని భవిష్యత్తు అవకాశాలపై కంపెనీ విశ్వాసాన్ని, సంస్థ బలమైన ఆర్థిక స్థితిని కూడా ప్రతిబింబిస్తాయి. ఎందుకంటే ఇది సాధారణంగా వాటాదారుల మధ్య పంపిణీ చేయడానికి కంపెనీకి తగినంత నిల్వలు ఉన్నాయని సూచిస్తుంది. ఈ నిర్ణయం స్టాక్ పనితీరును, ఇన్వెస్టర్ల సెంటిమెంట్ ను ప్రభావితం చేసే అవకాశం ఉన్నందున సెప్టెంబర్ 5న జరిగే రిలయన్స్ (reliance) బోర్డ్ ఆఫ్ డైరెక్టర్స్ సమావేశం ఫలితాన్ని షేర్ హోల్డర్లు, ఇన్వెస్టర్లు నిశితంగా గమనిస్తున్నారు. బోనస్ షేర్ల ఇష్యూ ఆమోదం పొందితే, తదుపరి సాధారణ సమావేశంలో వాటాదారులు తమ తుది అనుమతిని ఇవ్వాల్సి ఉంటుంది. పెట్రోకెమికల్స్, రిఫైనింగ్, ఆయిల్, టెలీకమ్యూనికేషన్స్, రిటైల్ వంటి వైవిధ్య రంగాల్లో రిలయన్స్ ఇండస్ట్రీస్ ఉంది.
