చమురు మార్కెటింగ్ సంస్థలు ఎల్పీజీ ధరలను ప్రతి నెల 1వ తేదీన సవరిస్తుంటాయి. వాస్తవానికి గత కొన్ని నెలలుగా ఎల్పీజీ సిలిండర్ ధర స్థిరంగా లేదా తగ్గుతూ వస్తున్నాయి. కానీ ఆగస్ట్లో పెరిగాయి. మళ్లీ ఇప్పుడు సెప్టెంబర్లోనూ పెరిగాయి. వరుసగా రెండు నెలలు పెరగడం చాలా కాలం తర్వాత ఇదే తొలిసారి అవ్వొచ్చు. వరుస తగ్గుదలతో వ్యాపారాలకు కొంత ఉపశమనం కలిగిన నేపథ్యంలో ఈ ప్రైజ్ హైక్ రావడం గమనార్హం. జులైలో సిలిండర్ ధర రూ.30 తగ్గగా, జూన్లో రూ.69.50, మేలో రూ.19 తగ్గింది. జూన్ 1 తగ్గింపు రిటైల్ ధరను రూ .1,676 కు తగ్గించింది. ఇది స్వల్ప వ్యవధిలో ధరలో గణనీయమైన హెచ్చుతగ్గులను ఎత్తిచూపింది.
