Wednesday Motivation: చాలామందికి కాస్త ఇగో ఉంటుంది. తప్పు తమదైనా కూడా తలొంచేందుకు ఇష్టపడరు. పైగా దాన్ని ఆత్మవిశ్వాసం, ఆత్మ గౌరవం అని చెప్పుకుంటారు. ఆత్మ గౌరవం, ఆత్మవిశ్వాసం అంటే తప్పు చేశాక కూడా తప్పు నాది కాదు అని వాదించడం కాదు, తప్పుని ఒప్పుకొని సంబంధాలు తెగిపోకుండా కాపాడుకోవడం. ఏదైనా అనుబంధంలో తగాదాలు సహజం. భార్యాభర్తల నుంచి తండ్రీ కొడుకుల వరకు ప్రతి ఒక్కరికీ మనస్పర్ధలు వస్తూనే ఉంటాయి. వాదనలు జరుగుతూనే ఉంటాయి. ఆగ్రహంలో నోటికి వచ్చిన మాటలను అంటూనే ఉంటారు. ఒక వాదన జరిగాక లేదా ఒక గొడవ జరిగాక తప్పు ఎవరిదో అర్థం చేసుకొని హృదయపూర్వకంగా క్షమాపణ చెప్తే ఆ బంధం నిలుస్తుంది. లేకపోతే చిన్న చిన్న వాదనాలకే అనుబంధాలు తెగిపోతాయి.