వైరల్ వీడియో
తలపై సీసీ టీవీ కెమెరా అమర్చి ఉన్న ఒక యువతిని మరొకరు ఇంటర్వ్యూ చేస్తున్న వీడియో ప్రస్తుతం సోషల్ మీడియాలో వైరల్ గా మారింది. తన కార్యకలాపాలను పర్యవేక్షించడానికి, తన కదలికలను ట్రాక్ చేయడానికి తన తండ్రి ఈ కెమెరాను ఏర్పాటు చేశారని ఆమె వివరించారు. మీ తండ్రి ఇలా తలపై కెమెరాను ఇన్ స్టాల్ చేయడంపై మీరు అభ్యంతరం వ్యక్తం చేయలేదా? అని ఇంటర్వ్యూ చేసిన వ్యక్తి అడగ్గా, ఆమె అలా చేయలేదని సమాధానమిచ్చింది. తన తండ్రి తన భద్రత కోసమే అలా చేశారని చెప్పారు. తన తండ్రి తనకు సెక్యూరిటీ గార్డు అని, అతను కెమెరా సహాయంతో తనను పర్యవేక్షిస్తాడని ఆ యువతి అంగీకరించింది.
