నటుడు, బిగ్ బాస్ ఫేమ్ సోహైల్ ఇంట విషాదం చోటు చేసుకుంది. సోహైల్ తల్లి ఫైమాసుల్తానా ఈరోజు మధ్యాహ్నం హైదరాబాద్ హైటెక్ సిటీ మెడికవర్ హాస్పిటల్ లో చికిత్స పొందుతూ కన్నుమూసినట్లు తెలుస్తోంది. సోహైల్ తల్లి గత కొంతకాలంగా కిడ్నీ సంబంధిత వ్యాధితో బాధపడుతున్నట్లు సమాచారం. ఆసుపత్రిలో చికిత్స పొందుతూ, ఆరోగ్య పరిస్థితి విషమించడంతో ఈరోజు కన్నుమూసినట్లుగా తెలుస్తోంది. దీంతో సోహైల్, ఆయన కుటుంబ సభ్యులు శోకసంద్రంలో మునిగిపోయారు. సోహైల్ తల్లి పార్థివ దేహాన్ని స్వస్థలం కరీంనగర్ తరలిస్తున్నారు. (Bigg Boss Sohel)
కొత్త బంగారులోకం సినిమాతో తెలుగు సినీ పరిశ్రమలో ఎంట్రీ ఇచ్చిన సోహైల్.. బిగ్ బాస్ షో ద్వారా మంచి గుర్తింపు తెచ్చుకున్నాడు. లక్కీ లక్ష్మణ్, ఆర్గానిక్ మామ హైబ్రిడ్ అల్లుడు, మిస్టర్ ప్రెగ్నెంట్, బూట్ కట్ బాలరాజు వంటి సినిమాలలో హీరోగా నటించాడు.
