వివో వి 40 ఇ స్పెసిఫికేషన్లు, ఫీచర్లు
వివో (vivo) రాబోయే వివో వి 40ఇ కోసం ప్రత్యేక మైక్రోసైట్ ను రూపొందించింది. భారతదేశంలో ఈ స్మార్ట్ ఫోన్ అధికారిక లాంచ్ తేదీని ఇంకా ప్రకటించనప్పటికీ, ఈ స్మార్ట్ఫోన్ లోని కొన్ని స్పెసిఫికేషన్లను వివో వెల్లడించింది. ఈ స్మార్ట్ ఫోన్ 0.749 సెంటీమీటర్ల మందం, 183 గ్రాముల బరువుతో స్లిమ్ ప్రొఫైల్ తో వస్తుంది. వివో వీ40ఈ స్మార్ట్ ఫోన్ లో 6.77 అంగుళాల 3డీ కర్వ్డ్ డిస్ప్లే, 120 హెర్ట్జ్ రిఫ్రెష్ రేట్ ఉండనుంది . డ్యూయల్ కెమెరా సెటప్ తో వస్తున్న ఈ స్మార్ట్ ఫోన్ కెమెరా ఫీచర్లను కూడా వివో వెల్లడించింది. వీటిలో ప్రధాన కెమెరా సామర్థ్యం 50 మెగా పిక్సెల్ కాగా, దీంతోపాటు సోనీ ఐఎంఎక్స్ 882 సెన్సార్, 2ఎక్స్ పోర్ట్రెయిట్ మోడ్ కూడా ఇందులో ఉండనున్నాయి. ఇందులో 8 మెగాపిక్సెల్ అల్ట్రావైడ్ కెమెరా, సెల్ఫీల కోసం 50 మెగాపిక్సెల్ ఐ-ఏఎఫ్ కెమెరా కూడా ఉండనుంది.
