చెవి నొప్పి ఎందుకు వస్తుంది?
విమానంలో ప్రయాణించేటప్పుడు వచ్చే చెవి నొప్పిని ఎయిర్ ప్లేన్ ఇయర్ అంటారు. విమానం టేక్ ఆఫ్, ల్యాండింగ్ అయ్యేటప్పుడు వచ్చే పీడనం, ఎత్తు మార్పుల వల్ల నొప్పి మొదలవుతుంది. బయట పీడనానికి చెవి మధ్య భాగంలో ఉండే పీడనానికి సమతుల్యత లేక ఈ నొప్పి వస్తుంది. చెవిలో నొప్పి, శబ్దాలు సరిగ్గా వినిపించకపోవడం, చెవులు మూసుకుపోయినట్లుగా అనిపించడం ఎయిర్ ప్లేన్ ఇయర్ లక్షణాలు. దీన్ని కొన్ని చిట్కాలతో తగ్గించుకోవచ్చు. అయితే చెవి నొప్పి ప్రయాణం తర్వాత కూడా విపరీతంగా అనిపిస్తే వెంటనే వైద్యుల్ని సంప్రదించాలి.