బిడ్డ పుట్టాక తల్లి జీవితమే మారిపోతుంది. బిడ్డకు కనీసం ఆరు నెలల పాటు తల్లి పాలు ఇవ్వాలని వైద్యులు చెబుతున్నారు. తల్లి పాలు బిడ్డను ఆరోగ్యంగా ఉంచుతాయి, వారి శరీరం ఎదగడానికి సహాయపడతాయి. కొంతమంది తల్లులు ఏడాది వయసు దాటిన పిల్లలకు తల్లిపాలు మానిపించాలని చూస్తుంటారు. కానీ పిల్లలు మానేందుకు ఇష్టపడరు. అలాగే తల్లులు కూడా బిడ్డకు పాలు మానిపించేందుకు చాలా కష్టపడతారు. ఏం చేయాలో వారికి తెలియదు. తల్లిమనసు పాలు పెట్టాలని చెబుతుంది, కానీ ఉద్యోగ బాధ్యతలు, కుటుంబ బరువులు వారికి పాలు పెట్టేంత తీరికను, ఓపికను ఇవ్వవు. అటువంటి పరిస్థితిలో మీ బిడ్డకు పాలు మానిపించాలని భావిస్తే కొన్ని చిట్కాలను పాటించండి.