తెలంగాణలో జీవో కోసం నిరీక్షణ
టికెట్ ధరలు పెంచుకునేందుకు, అదనపు షోల కోసం తెలంగాణ ప్రభుత్వానికి కూడా దేవర మూవీ టీమ్ దరఖాస్తు చేసుకుంది. అయితే, ఇంకా అనుమతి లభించలేదు. ఈ విషయంపై జీవో జారీ కోసం నిరీక్షణ కొనసాగుతోంది. ఈ విషయంపై ప్రభుత్వం నుంచి జీవో వచ్చిన తర్వాత తెలంగాణలో టికెట్లు బుకింగ్స్ మొదలుకానున్నాయి. రేపు బుకింగ్స్ షురూ కావొచ్చనే అంచనాలు ఉన్నాయి. తెలంగాణలో అనుమతులను బట్టి ఏపీలో అర్ధరాత్రి షోపై కూడా క్లారిటీ వచ్చే అవకాశం ఉంది. తెలంగాణలో టికెట్ల కోసం అభిమానులు ఆత్రుతగా ఎదురుచూస్తున్నారు.