ఈవెనింగ్ టీ టైంలో స్పైసీగా ఏదైనా తినాలనిపిస్తుంది. ముఖ్యంగా పకోడీలు, టీ కాంబినేషన్ అంటే ఎవరికైనా ఇష్టమే. టమాటాలతో గ్రీన్ చట్నీ దట్టించి చేసే ఈ గుజరాతీ స్టైల్ టమాటా బజ్జీలు చాలా రుచిగా ఉంటాయి. టమాటాలు శనగపిండిలో ముంచి వేస్తే చాలు అనుకోకండి. ఈ రెసిపీ ప్రత్యేకం. ఒకసారి కొరికితే కారంగా, మరోసారి టమాటా పులుపు తగిలి, మసాలా రుచితో ఘాటుగా ఉంటాయివి. వీటి తయారీ ఎలాగో చూసేయండి.
