రేపు వాతావరణం ఇలా..
భారత్, బంగ్లాదేశ్ రెండో టెస్టు మూడో రోజైన రేపు (సెప్టెంబర్ 29) కూడా వాన ఆటంకాలు తప్పేలా లేవు. అక్యువెదర్ రిపోర్ట్ ప్రకారం, కాన్పూర్లో రేపు వాన పడే అవకాశాలు 59 శాతంగా ఉన్నాయి. ఉదయం వాన పడే ఛాన్సులు ఉన్నాయి. గాలిలో తేమ శాతం కూడా 80 శాతం వరకు ఉండనుంది. మొత్తంగా మూడో రోజు వాన పడే అవకాశాలు ఉన్నాయి. అయితే, రెండో రోజు కంటే పరిస్థితి మెరుగ్గానే ఉండొచ్చు. మధ్యాహ్నం వర్షం పడే అవకాశం 25 శాతం మాత్రమే ఉండొచ్చు. దీంతో మూడో రోజు ఆట రద్దయ్యే రేంజ్లో వాన ఉండకపోవచ్చు. అయితే, కాస్త ఆటంకాలు కలిగే ఛాన్సులు కనిపిస్తున్నాయి.