గ్రామీణ ప్రాంతాల్లో పొలాల గట్ల వెంబడి దొరికే గడ్డి పూల దగ్గర నుంచి బంతి, చామంతి, గులాబీ పూల వరకు అన్నింటినీ బతుకమ్మలో పేర్చుకుంటారు. ఈ తొమ్మిది రోజులు పూల పండుగ చూసేందుకు రెండు కళ్ళు సరిపోవు. పెళ్ళయిన ఆడపిల్లలు తమ పుట్టింటికి వచ్చి బతుకమ్మ సంబరాలు చేసుకుంటారు. తంగేడు, గునుగు, చామంతి, బంతి, సీత జడ, గుమ్మడి పువ్వులతో పాటు అనేక రంగు రంగుల పూలు ఇందులో ఉపయోగిస్తారు.
