తొమ్మిది రోజుల సంబరాలు
తెలంగాణ సంస్కృతి సాంప్రదాయాలు, గ్రామీణ జీవన విధాన్ని ప్రతిబింబించే విధంగా పండుగ జరుపుకుంటారు. తొమ్మిది రోజుల పాటు తొమ్మిది రకాల పేర్లతో బతుకమ్మలు తయారు చేసి ఆడిపాడతారు. రెండో రోజు అటుకుల బతుకమ్మ, మూడో రోజు ముద్దపప్పు బతుకమ్మ, నాలుగో రోజు నాన బియ్యం బతుకమ్మ, ఐదో రోజు అట్ల బతుకమ్మ, ఆరో రోజు అలిగిన బతుకమ్మ, ఏడో రోజు వేపకాయల బతుకమ్మ, ఎనిమిదవ రోజు వెన్న ముద్దల బతుకమ్మ, తొమ్మిదో రోజు అంటే దుర్గాష్టమి రోజు సద్దుల బతుకమ్మ జరుపుకుంటారు. అనుబంధాలు, ఆత్మీయత, ఐక్యతను చాటి చెప్పే విధంగా ఈ పండుగను జరుపుకుంటారు. చిన్నా, పెద్దా, పేద, ధనిక అనే భేదం లేకుండా అందరూ కలిసి మెలిసి ఆనందంగా జరుపుకునే సంప్రదాయ పండుగ ఇది.
