ఆధునిక కాలంలో భగవద్గీత మనకేమి బోధిస్తుంది? అనుకుంటారు ఎంతోమంది. ఆధునిక కాలంలో వచ్చిన మార్పులు గురించి ఏనాడో రాసిన భగవద్గీతలో ఏముంటుందని కూడా అంటారు. నిజానికి భగవద్గీతలో ఒక మనిషి గురించి, అతని వ్యక్తిత్వం గురించి, ఎలా జీవించాలో, ఎలా జీవించకూడదో వంటి అంశాలన్నీ వివరణాత్మకంగా ఉన్నాయి. ఈ ప్రాచీన జ్ఞాన గ్రంథం నేటి జీవితానికి చాలా ముఖ్యమైనది. భగవద్గీత బోధనలు మనలో సానుకూలతను పెంచుతాయి. జీవితంపై ఆశను పెంచుతాయి. భగవద్గీత నుండి మనము తెలుసుకోవాల్సిన విషయాలు జీవితాన్ని సరైన మార్గంలో ఉంచడానికి ఉపయోగపడే పాఠాలు.
