కొడవటంచ గ్రామానికి చెందిన గిరుగుల పాణి వ్యవసాయ కూలిగా పని చేస్తూ భార్య, కొడుకు, కూతురును పోషించేవాడు. సొంతంగా భూమి లేకపోవడంతో గ్రామంలో కొంత భూమిని కౌలుకు తీసుకుని సాగు చేస్తున్నాడు. ఇంతవరకు బాగానే ఉండగా.. శుక్రవారం వ్యవసాయ పనుల నిమిత్తం పాణి బయటకు వెళ్లిపోగా.. మిగతా కుటుంబ సభ్యులు కూడా ఎవరి పనులకు వెళ్లిపోయారు. కాగా ప్రమాదవశాత్తు ఇంట్లో షార్ట్ సర్క్యూట్ జరగి ఒక్కసారిగా మంటలు చెలరేగాయి. వైర్ల ద్వారా అంటుకున్న మంటలు ఇల్లు మొత్తం వ్యాపించాయి. దీంతో ఇంట్లో ఉన్న దుస్తులు, కూలర్, మంచాలు, నిత్యావసర సరుకులు, బియ్యం అన్నీ మంటలకు కాలిపోయాయి. కాగా ఇంట్లో నుంచి పొగలు వస్తుండటాన్ని గమనించిన స్థానికులు ఫైర్ ఇంజిన్ కు సమాచారం ఇచ్చారు.