నటి సిమి గరేవాల్ చాలా అరుదుగా సోషల్ మీడియాలో పోస్టులు పెడుతుంటారు. అయితే గురువారం ఉదయం ఆమె దానికి మినహాయింపు ఇచ్చారు. అయితే, ఆ సందర్భం చాలా బాధాకరమైనది. ప్రముఖ పారిశ్రామికవేత్త రతన్ టాటా బుధవారం రాత్రి ముంబైలో కన్నుమూయడం పట్ల సిమి సంతాపం వ్యక్తం చేశారు. అయితే బాలీవుడ్ నుంచి వచ్చిన మిగతా వారిలా కాకుండా, రతన్ టాటాతో ఆమెది అత్యంత సన్నిహితమైన వ్యక్తిగత అనుబంధం. చాలా మందికి తెలియని విషయం ఏమిటంటే.. రతన్ టాటా, సిమి గరేవాల్ దశాబ్దాల క్రితం ప్రేమలో పడ్డారు. ఆ తరువాత విడిపోయినా, మంచి స్నేహితులుగా కొనసాగారు.
