Allahabad High Court: సభ్య, నాగరిక సమాజంలో లైంగిక వాంఛలు తీర్చుకునేందుకు ఎవరైనా జీవిత భాగస్వామి వద్దకు కాకుండా మరెక్కడికి వెళ్తారని అలహాబాద్ హైకోర్టు వ్యాఖ్యానించింది. ఒక వ్యక్తిపై ఆయన భార్య దాఖలు చేసిన వరకట్న వేధింపులు, అసహజ శృంగారం తదితర అభియోగాలను కొట్టివేసింది. ఈ అభియోగాలకు నిరూపించే సరైన సాక్ష్యాధారాలు లేవని, ఇవి వ్యక్తిగత వివాదాల కారణంగా ప్రేరేపించబడి ఉండవచ్చని వ్యాఖ్యానించింది. నైతికంగా నాగరిక సమాజంలో జీవిత భాగస్వామి కాకపోతే తమ లైంగిక వాంఛలను తీర్చుకోవడానికి ఇంకెక్కడికి వెళ్తారని కోర్టు ప్రశ్నించింది.
