పూజా విధానం
అట్ల తద్ది రోజు ఇంట్లో తూర్పు దిక్కున మండపాన్ని ఏర్పాటు చేసుకొని గౌరీదేవిని ప్రతిష్టించుకుని పూజ చేయాలి. మొదటిగా వినాయక పూజ చేసిన అనంతరం గౌరీదేవిని పూజించాలి. ధూప, దీప, నైవేద్యాలు సమర్పించాలి. గౌరీదేవికి సంబంధించిన మంత్రాలు, శ్లోకాలు పఠించాలి. మరలా సాయంత్రం చంద్రోదయం అయిన తర్వాత పూజ చేసి 11 అట్లు నైవేద్యంగా పెట్టి ముత్తైదువులకు వాటిని వాయనంగా ఇవ్వాలి. 11 పండ్లు తింటూ, 11 మార్లు తాంబూలం వేసుకుని, 11 మార్లు ఊయల ఊగుతారు. అందుకే దీనిని ఉయ్యాల పండుగ అని కూడా పిలుస్తారు.
