కడపలో
కడపలోని స్పోర్ట్స్ అథారిటీ స్టేడియంలో అగ్నివీర్ అభ్యర్థుకు ఫిజిక‌ల్ టెస్ట్‌లు నిర్వహించ‌నున్నారు. ఈ ఫిజిక‌ల్ టెస్ట్‌కు క‌ర్నూలు, నెల్లూరు, అనంత‌పురం, క‌డ‌ప, గుంటూరు, ప‌ల్నాడు, ప్రకాశం, చిత్తూరు, బాప‌ట్ల, నంద్యాల, తిరుప‌తి, అన్నమ‌య్య, స‌త్యసాయి జిల్లాల‌కు చెందిన అభ్యర్థులు హాజ‌రుకానున్నారు. ఇప్పటికే ఆర్మీ ర్యాలీ నిర్వహణకు సంబంధించిన మౌలిక ఏర్పాట్లు పూర్తి చేశారు. ఫిజిక‌ల్ టెస్ట్‌కు హాజరయ్యే అభ్యర్థుల‌కు స‌దుపాయాల‌ను క‌ల్పించ‌డంలో క‌డ‌ప న‌గ‌ర పాల‌క సంస్థ ప్రత్యేక ఏర్పాట్లు చేస్తుంది. ఇంజినీరింగ్ అధికారుల స‌మ‌న్వయంతో మైదానంలో రిక్రూట్మెంట్ బోర్డు విధివిధానాల‌కు అనుగుణంగా టెంట్లు, బారికేడ్లు, విద్యుత్‌, తాగునీరు, టాయిలెట్స్ త‌దిత‌ర మౌలిక ఏర్పాట్లను సమకూర్చుతున్నారు.
