Students beat Boeing: కెనడాలో జరిగిన యాంటీడ్రోన్ టెక్నాలజీ పోటీలో డిఫెన్స్ టెక్నాలజీ, ఉత్పత్తుల రంగంలో దిగ్గజ కంపెనీ అయిన బోయింగ్ సహా మరో నాలుగు ఫేమస్ కంపెనీలను నలుగురు కాలేజీ విద్యార్థులు ఓడించారు. డ్రోన్ లను నేలకూల్చడానికి ఆ విద్యార్థులు రూపొందించిన యాంటీ డ్రోన్ పరికరం బోయింగ్ సహా ఆయా కంపెనీల ప్రొడక్ట్స్ కన్నా ఉత్తమమైనదిగా తేలింది. ఈ ప్రాజెక్ట్ కోసం ఆ విద్యార్థులు సుమారు 10 వేల డాలర్లు ఖర్చు చేశారు. అయితే, వారికి ప్రైజ్ మనీగా 2,70,000 డాలర్లు లభించాయి.
