భారతదేశం ఇప్పుడు చైనాను అధిగమించి ప్రపంచంలోనే అతిపెద్ద టూ వీలర్ మార్కెట్‌గా ఉంది. కౌంటర్‌పాయింట్ రీసెర్చ్ ప్రకారం, 2024 ప్రథమార్థంలో ప్రపంచ ద్విచక్ర వాహనాల విక్రయాలు సంవత్సరానికి 4 శాతం పెరిగాయి. గ్లోబల్ మోటార్‌సైకిల్ మార్కెట్‌లో హోండా అగ్రగామిగా ఉంది. ఆ తర్వాతి స్థానాల్లో హీరో మోటోకార్ప్, యమహా, టీవీఎస్ మోటార్, యాడియా ఉన్నాయి. ఇండోనేషియా, వియత్నాం, థాయ్‌లాండ్ వంటి ఆగ్నేయాసియా దేశాలలో అమ్మకాలు క్షీణించగా.. భారత మార్కెట్ బలం భిన్నంగా ఉంది. భౌగోళిక రాజకీయ ఉద్రిక్తతలు, కఠినమైన రుణ నిబంధనలు ఆ దేశాల్లో క్షీణతకు కారణం అయినట్టుగా తెలుస్తోంది.
