వేడినీటి స్నానం:
వ్యాక్సింగ్ చేయించుకునే ముందు వేడి నీటి స్నానం చేయడం చాలా మట్టుకు నొప్పిని తగ్గిస్తుంది. స్నానం చేయడం కుదరకపోతే వేడి నీటిలో ఒక వస్త్రం ముంచి చేతులు, కాళ్ల మీద కాసేపు మర్దనా చేస్తూ రాసుకొని తర్వాత వ్యాక్సింగ్ చేయించుకోండి. వేడి నీటి వల్ల చర్మం రంధ్రాలు తెరుచుకుంటాయి. దీంతో వెంట్రుకలు తొందరగా ఊడి వచ్చేస్తాయి. దానివల్ల నొప్పి ఎక్కువగా అనిపించదు. అలా కాకుండా పార్లర్ వెళ్లే ముందు చల్లటి నీటితో గనక చేతులు, కాళ్లు కడుక్కుంటే చర్మం రంధ్రాలు మూసుకుపోయి వ్యాక్సింగ్ నొప్పి విపరీతంగా అనిపించొంచ్చు.
