కాకరకాయ ఉపయోగాలు
కాకరకాయ ఆరోగ్యానికి ఎంతో మేలు చేసే కూరగాయ ఇది. కేవలం డయాబెటిస్ వ్యాధి ఉన్నవారికి అనుకుంటారు. నిజానికి ఇది ఎవరు తిన్నా ఆరోగ్యకరమే. ముఖ్యంగా మధుమేహంతో బాధపడుతున్న వారు కాకరకాయలను తినడం వల్ల ఎన్నో పోషకాలు శరీరానికి అందుతాయి. దీనిలో ఐరన్, విటమిన్ ఏ, విటమిన్ సి, మెగ్నీషియం, పొటాషియం పుష్కలంగా ఉంటాయి. ఇవి రక్తంలో చక్కర స్థాయిలను అదుపులో ఉంచడానికి ఉపయోగపడతాయి. కాకరకాయలు యాంటీ ఆక్సిడెంట్లు పుష్కలంగా ఉంటాయి. వీటిని తినడం వల్ల రోగనిరోధక శక్తి పెరుగుతుంది. పిల్లలకు కాకరకాయతో చేసిన ఆహారాలు పెట్టడం వల్ల వారి పొట్టలో ఉన్న నులిపురుగులు నాశనం అవుతాయి. కాకరకాయను తరచుగా తినేవారిలో చెడు కొలెస్ట్రాల్ కరిగిపోతుంది. మంచి కొలెస్ట్రాల్ శాతం పెరుగుతుంది. దీనివల్ల గుండె ఆరోగ్యానికి రక్షణ లభిస్తుంది. కాకరకాయతో చేసిన ఆహారాలను ప్రతిరోజూ తినడం వల్ల పచ్చకామెర్లు, టైఫాయిడ్, మలేరియా వంటి సమస్యలు రాకుండా అడ్డుకోవచ్చు.
