వంట నూనెల ధరలు పెరగడానికి కారణాలు..
సెప్టెంబర్లో రీటైల్ ద్రవ్యోల్బణం 9 నెలల గరిష్ఠ (5.5శాతం) స్థాయికి చేరుకోవడంతో వంట నూనె ధరలు కూడా పెరిగిపోతున్నాయి. నిత్యావసర ధరలు, కూరగాయ ధరలు వృద్ధిచెందడం ఇందుకు ఒక కారణం. పైగా గత నెలలో పామ్, సాయ్బీన్, సన్ఫ్లవర్ నూనెల దిగుమతి సుంకాలను ప్రభుత్వం పెంచడం కూడా వంట నూనెల ధరలను అమాంతం పెంచేశాయి. అదే సమయంలో అంతర్జాతీయ మార్కెట్లలో కూడా ధరలు వృద్ధిచెందడం మరింత ప్రతికూలంగా మారింది. అంత్జాతీయంగా క్రూడ్ పామ్, సాయ్బీమ్, సన్ఫ్లవర్ ఆయిల్ ధర సుమారు 10.6శాతం, 16.8శాతం, 12.3శాతం వృద్ధిచెందాయి. సన్ఫ్లవర్ ఆయిల్, క్రూడ్ సాయ్బీన్పై దిగుమతి సుంకాన్ని ప్రభుత్వం ఏకంగా 5.5శాతం నుంచి 27.5శాతానికి పెంచేసింది. రిఫైన్డ్ ఎడిబుల్ ఆయిల్పై సుంకాన్ని సైతం 13.7శాతం నుంచి 35.7శాతానికి పెంచేసింది. ఇవన్నీ సెప్టెంబర్ 14న అమల్లోకి వచ్చాయి. అప్పటి నుంచి దేశంలో వంట నూనెల ధరలు గణనీయంగా పెరుగుతూ వస్తున్నాయి.
