బంజారాహిల్స్ పీఎస్ పరిధిలోని నందినగర్, సింగాడకుంట బస్తీ, గౌరీ శంకర్ కాలనీలో శుక్రవారం నాడు జరిగిన సంతలో మోమోస్ విక్రయించారు. ఇక్కడ మోమోస్ కొనుగోలు చేసిన సింగాడకుంట బస్తీకి చెందిన రేష్మ బేగం (31), ఆమె పిల్లలు, స్థానికంగా సుమారు 50 మంది వీటిని తిని అస్వస్థతకు గురయ్యారు. వీరిలో 10 మంది మైనర్లు ఉన్నారు. మోమోస్ తిన్న వారందరికీ శనివారం నుంచి వాంతులు, విరేచనాలు కావడంతో బంజారాహిల్స్ చుట్టుపక్కల ప్రాంతాల్లోని పలు ఆస్పత్రుల్లో చికిత్స కోసం చేరారు. వీరిలో కొందరి పరిస్థితి విషమంగా ఉందని వైద్యులు తెలిపారు.
