జుట్టు రాలిపోవడం ఆధునిక కాలంలో ఎక్కువై పోయింది. ఇప్పుడున్న పరిస్థితుల్లో జుట్టును ఆరోగ్యంగా ఉంచుకోవడం సవాలుగా మారింది. ఒకవైపు జుట్టు రాలడం, చుండ్రు పెరిగిపోవడం అధికమైపోతోంది. మరోవైపు జుట్టు పెంచాలనే ఆత్రుత కూడా అందరిలో ఉంటుంది. సాధారణంగా జుట్టు పెరుగుదలకు నేచురల్ రెమెడీస్ కోరుకునే వారు ఎక్కువ మంది ఉంటారు. అందువల్ల, అల్లాన్ని జుట్టు సంరక్షణకు ఉపయోగించవచ్చు. చాలా వంటకాల్లో అల్లం అధికంగా వాడుతున్నారు. దీన్ని వాడడం వల్ల జుట్టు రాలడాన్ని నివారించ వచ్చు. దీనిలో ఉండే కొన్ని రకాల సమ్మేళనాలు వెంట్రుకల మూలాల నుండి జుట్టును బలోపేతం చేస్తాయి. నెత్తిమీద రక్త ప్రవాహాన్ని ప్రోత్సహించడం ద్వారా జుట్టు ఆరోగ్యాన్ని మెరుగుపరుస్తుంది.
