దీపావళి తర్వాత ఎందుకు చేస్తారు?
ప్రకృతి ప్రాముఖ్యతను గుర్తు చేసే పండుగ ఇది. ఐక్యత, శ్రీకృష్ణుడి దైవిక శక్తులను గుర్తు చేసుకుంటూ ఈ పండుగ జరుపుకుంటారు. భక్తులు ఈరోజు పేడతో గోవర్థన కొండను చేసి పూజిస్తారు. అన్నం, పిండి పదార్థాలు రాసులుగా పోస్తారు. పర్యావరణాన్ని రక్షించాలని, గౌరవించాలని సందేశాన్ని ఇచ్చే పండుగ ఇది. దీపావళి తర్వాత చేసుకునే గోవర్ధన్ పూజకు చాలా లోతైన అర్థం ఉంటుంది. దీపావళి దీపాల వెలుగులు, వినయం, ఉత్సవాలను సూచిస్తుంది. గోవర్ధన్ పూజ మనల్ని రక్షించే ప్రకృతిని మనం కాపాడుకోవాల్సిన అవసరం, బాధ్యత మన మీద ఉందనే విషయాన్ని గుర్తు చేస్తుంది.
