ఆదివారం భారత్‌కి అసలు సవాల్
వాంఖడే పిచ్ శుక్రవారంతో పోలిస్తే శనివారం మరీ అతిగా స్పిన్నర్లకి అనుకూలిస్తూ కనిపించింది. అశ్విన్, జడేజా విసిరిన కొన్ని బంతులు అనూహ్యంగా లో-బౌన్స్ అవుతూ కనిపించాయి. అలానే ఊహించని టర్న్ కూడా లభించింది. ఇక ఆదివారం కూడా స్పిన్నర్లకి పిచ్ కలిసొచ్చే అవకాశాలు లేకపోలేదు. దాంతో 150 పరుగుల టార్గెట్ అయినా.. ఈ పిచ్‌పై ఛేదించడం అంత సులువు కాదు. మరీ ముఖ్యంగా.. లోయర్ ఆర్డర్ బ్యాటర్లు వరుసగా విఫలమవుతున్న వేళ టీమిండియా టాప్ ఆర్డర్ బ్యాటర్లు ఆచితూచి ఆడితేనే మ్యాచ్‌‌ని గెలవచ్చు.
