జమ్మూకశ్మీర్‌లోని శ్రీనగర్, అనంతనాగ్ జిల్లాల్లో శనివారం జరిగిన రెండు వేర్వేరు ఎన్ కౌంటర్లలో ఉగ్రవాద సంస్థ లష్కరే తోయిబాకు చెందిన టాప్ పాక్ కమాండర్‌తో పాటు మరో ఇద్దరు ఉగ్రవాదులను భద్రతా దళాలు మట్టుబెట్టాయి. లష్కరే తోయిబా కమాండర్ ఉస్మాన్ కొన్నేళ్లుగా లోయలో క్రియాశీలకంగా ఉన్నాడని, ఇన్స్‌పెక్టర్ మస్రూర్ వనీ హత్యలో కూడా పాల్గొన్నాడని సీనియర్ పోలీసు అధికారి ఒకరు తెలిపారు. 2023 అక్టోబర్‌లో ఈద్గా మైదానంలో క్రికెట్ ఆడుతుండగా వనీని అత్యంత సమీపం నుంచి కాల్చి చంపారు. శ్రీనగర్‌లో జరిగిన ఎన్ కౌంటర్‌లో నలుగురు భద్రతా సిబ్బంది గాయపడ్డారు.
