పులగంతో ఎలాంటి రైతా, కూరలు అవసరం లేకుండానే తినేయవచ్చు. పులగం తినడం వల్ల ఆరోగ్యానికి అన్ని రకాలుగా మేలే జరుగుతుంది. ముఖ్యంగా ఇందులో మన ఆరోగ్యానికి అవసరమైన పదార్థాలను వేసాము. మీకు పులగం స్పైసీగా అనిపిస్తే రెండు స్పూన్ల నెయ్యిని కూడా వేసి ఉండండి. రుచి అదిరిపోతుంది. పిల్లలకు పెట్టేటప్పుడు నెయ్యి వేసి పెడితే వారు ఇష్టంగా తినే అవకాశం ఉంది. దీనిలో పెసరపప్పు వేసాము. కాబట్టి ఇది ఆరోగ్యానికి ఎంతో మేలు చేస్తుంది. అలాగే మిరియాలు కూడా మన రోగనిరోధక వ్యవస్థను కాపాడుతాయి. పులగం ప్రతి వారం తినాల్సిన అవసరం ఉంది. పిల్లలకు ఒక్కసారైనా పులగాన్ని వండి పెట్టండి. వారి శరీరానికి బలం అందుతుంది, వారు ఉత్సాహంగా ఉంటారు.
