తలనొప్పి కూడా డేంజరే
కొన్ని అధ్యయనాల ప్రకారం తీవ్రమైన తలనొప్పి కూడా గుండెపోటును సూచిస్తుంది. తలనొప్పితో పాటు మాటల్లో స్పష్టత లేకపోవడం, ఏం మాట్లాడుతున్నారో మీకు తెలియక పోవడం, గందరగోళంగా ఉండడం, చేయి, కాలు, ముఖంపై తిమ్మిరిగా అనిపించడం వంటివి కూడా గుండెపోటునే సూచిస్తాయి. నడుస్తున్నప్పుడు ఇబ్బంది పడడం, మైకం కమ్మినట్టు అనిపించడం, దృష్టి మసకబారడం, కంటి చూపు శక్తివంతంగా లేకపోవడం కూడా గుండెకు రక్తప్రసరణ సరిగా జరగడం లేదని చెబుతాయి. అంటే గుండెపోటు వచ్చే అవకాశం ఉందని వివరించేవే. గుండెకు రక్తాన్ని తీసుకెళ్లే నాళాల్లో కొవ్వు పేరుకుపోవడం వల్ల ఇలాంటి లక్షణాలు కనిపిస్తాయి. ఇలా కొవ్వు పేరుకుపోవడం వల్ల గుండెకు రక్తం సరిగా అందక నొప్పి తీవ్రంగా మారిపోతుంది. అలా వదిలేస్తే సమస్య ప్రాణాంతకంగా మారి ఏమైనా జరగొచ్చు.
