యుఎస్ పోల్స్ కోసం ఓటరుగా ఎలా నమోదు చేసుకోవాలి?
విదేశాల్లోని అమెరికన్ ఓటర్లు ఓటరు నమోదు ప్రక్రియను ప్రారంభించడానికి vote.gov సందర్శించాలి. ఆ తరువాత, ఆ అమెరికన్ ఓటరు తాను ప్రాతినిధ్యం వహించే రాష్ట్రాన్ని ఎంచుకోవాలి. ఓటరు నమోదుకు వేర్వేరు రాష్ట్రాల్లో వేర్వేరు నిబంధనలు, నియమాలు ఉంటాయి. ఆయా రాష్ట్రాల్లో ఓటరుగా ఎలా నమోదు చేసుకోవాలో సంబంధిత వెబ్ సైట్ లో సూచనలు కనిపిస్తాయి. నేషనల్ మెయిల్ ఓటర్ రిజిస్ట్రేషన్ ఫారమ్ ను ఆన్ లైన్ లో లేదా ఆఫ్ లైన్ లో ఫిల్ చేయడం ద్వారా కూడా ఓటరుగా నమోదు చేసుకోవచ్చు. ఆన్ లైన్ లో ఫిల్ చేసి, సంబంధిత డాక్యుమెంట్లు అప్ లోడ్ చేసి పంపించవచ్చు. లేదా, ఆ ఫామ్ ను డౌన్ లోడ్ చేసుకుని, అన్ని వివరాలు నింపి, పోస్ట్ లో పంపించవచ్చు.
