Karthika Masam: కార్తీకమాసంలో ప్రతిరోజు దగ్గరలో ఉన్న నదిలోనో, చెరువులోనో లేక బావి మొదలైనవాటిలో సూర్యోదయం కాకమునుపే స్నానం చేయటం శుభకరం. కొందరు అనుకొన్నట్లుగా కార్తీక మాస పుణ్య స్నానాలు కేవలం శైవులకే పవిత్రమైనవి కాదు. శైవులు, వైష్ణవు లందరికీ ఇది పవిత్రమైన మాసమే. ఈ నెలరోజులపాటు నిత్యము ప్రాతఃకాల నదీస్నాము, నిత్య దేవాలయ, దైవదర్శనము, శక్తి కొలది చేయుదానము, అవకాశము కొలది చేయు ఉపవాసములు, సాయంకాల దీపదర్శనం, మానవులకు నిత్య శుభములను కల్పిస్తాయి. అందుకే నెల రోజులు పరిపూర్ణ పర్వ దినాలుగా భావిస్తారు. కార్తీక మాసం హరిహరులకు ఇరువురికీ ప్రీతిపాత్రమైనదే.
