తాజాగా సవరించిన యూపీఎస్సీ క్యాలెండర్ 2025 ప్రకారం ఎన్డీఏ అండ్ ఎన్ఏ ఎగ్జామినేషన్ (ఐ), 2025, సీడీఎస్ ఎగ్జామినేషన్ (ఐ) 2025 నోటిఫికేషన్ 2024 డిసెంబర్ 11న విడుదల కానుంది. ఈ రెండు పరీక్షలకు దరఖాస్తు చేసుకోవడానికి చివరి తేదీ డిసెంబర్ 31, 2024. ఈ రెండు పరీక్షలు 2025 ఏప్రిల్ 13న జరగనున్నాయి. ఎన్డీఏ అండ్ ఎన్ ఏ ఎగ్జామినేషన్ (2), 2025, సీడీఎస్ ఎగ్జామినేషన్ (2) 2025 నోటిఫికేషన్ మే 28న విడుదల కానుండగా, రిజిస్ట్రేషన్ ప్రక్రియ జూన్ 17, 2025న ముగియనుంది. 2025 సెప్టెంబర్ 14న రాత పరీక్ష నిర్వహిస్తారు.
