.webp)
కమెడియన్‌గా టాలీవుడ్‌లో ఎంట్రీ ఇచ్చి, ఆ తర్వాత స్టార్‌ నిర్మాతగా ఎదిగిన బండ్ల గణేష్‌ ఎప్పుడూ ఏదో ఒక వివాదంలో తల దూరుస్తుంటారు. ఏదో ఒక అంశంపై వివాదాస్పద వ్యాఖ్యలు చేయడమో లేక అలా చేసిన వారిని విమర్శించడమో చేస్తూ వార్తల్లో నిలుస్తుంటారు. గతంలో ఎన్నోసార్లు ఇలాంటి వివాదాల్లో చిక్కుకున్న గణేష్‌ ఇప్పుడు మరోసారి తెరపైకి వచ్చారు. నవంబర్‌ 8 తెలంగాణ ముఖ్యమంత్రి రేవంత్‌రెడ్డి పుట్టినరోజు. ఈ సందర్భంగా సినీ, రాజకీయ ప్రముఖులు ఆయనకు శుభాకాంక్షలు తెలియజేశారు. ఈ క్రమంలోనే బండ్ల గణేష్‌ కూడా ఎక్స్‌ ద్వారా రేవంత్‌రెడ్డికి పుట్టినరోజు శుభాకాంక్షలు తెలియజేస్తూ ‘గౌరవ ముఖ్యమంత్రి వర్యులు రేవంత్‌రెడ్డిగారికి జన్మదిన శుభాకాంక్షలు తెలియజేసిన సినీ ప్రముఖులందరికీ ధన్యవాదాలు. తెలియజేయడానికి సమయం లేని వారికి పెద్ద నమస్కారం. టికెట్ల రేట్లు పెంచుకోవడానికి మాత్రమే సీఎంగారు కావలెను’ అంటూ చేసిన ట్వీట్‌ ఇప్పుడు టాలీవుడ్‌లో కలకలం రేపుతోంది.
ఇటీవల చిరంజీవి, నాగార్జున, మహేష్‌, రామ్‌చరణ్‌, అఖిల్‌ మాల్దీవ్స్‌ వెళ్ళారు. అక్కడ ఓ పారిశ్రామిక వేత్త పుట్టినరోజు వేడుకల్లో పాల్గొన్నారు. రేవంత్‌రెడ్డి పుట్టినరోజు సందర్భంగా టాలీవుడ్‌ హీరోలెవరూ శుభాకాంక్షలు చెప్పకపోవడంతో బండ్ల గణేష్‌ వారిని టార్గెట్‌ చేస్తూ ట్వీట్‌ చేశాడని తెలుస్తోంది. కేవలం టికెట్ల రేట్లను పెంచుకోవడానికి తప్ప సీఎంకి ప్రాధాన్యం లేదని తన ట్వీట్‌ ద్వారా వెల్లడిరచారు. దీనిపై ఇండస్ట్రీలో రకరకాల చర్చలు జరుగుతున్నాయి.
బండ్ల గణేష్‌ ట్వీట్‌పై నెటిజన్లు రకరకాలుగా కామెంట్‌ చేస్తున్నారు. ‘నువ్వు కరెక్ట్‌గా చెప్పావు అన్నా’ అని కొందరు, ‘నువ్వు కమెడియన్‌వి.. కమెడియన్‌లా ఉండు’ అని కొందరు కామెంట్స్‌ పెడుతున్నారు. ‘విషెస్‌ చెప్పాలా వద్దా అనేది వారి ఇష్టం.. మధ్యలో నీకెందుకురా’, ‘నువ్వు విషెస్‌ చెప్పలేదని అంటున్న పెద్దవాళ్ళ ఇళ్లు కూలగొట్టినపుడు నీ కళ్ళకి కనిపించలేదా.. అప్పుడు ఎందుకు మాట్లాడలేదు’.. ఇలా బండ్ల గణేష్‌తో ఆడుకుంటున్నారు నెటిజన్లు.
