యూపీ ప్రభుత్వానికి ఆదేశాలు
హరీష్ రాణా కోలుకునే పరిస్థితి కనిపించడం లేదని, వైద్యులు అదే చెబుతున్నారని, అతడి వైద్య ఖర్చులు భరించలేకపోవడంతో పాటు, అతడి పరిస్థితిని చూడలేకపోతున్నామని, అందువల్ల తమ కుమారుడు హరీశ్ రాణా కారుణ్య మరణానికి అనుమతించాలని ఉత్తరప్రదేశ్ కు చెందిన తల్లిదండ్రులు అశోక్ రాణా (62), నిర్మలాదేవి (55) సుప్రీంకోర్టును వేడుకున్నారు. ఈ పిటిషన్ ను విచారించిన జస్టిస్ చంద్రచూడ్.. హరీశ్ రాణా వైద్యం, సంరక్షణకు అయ్యే వైద్య ఖర్చులను భరించే మార్గాలను అన్వేషించాలని ఉత్తరప్రదేశ్ ప్రభుత్వాన్ని ఆదేశించారు. రాణాకు హోమ్ కేర్ సరిపోకపోతే, మరింత నిర్మాణాత్మక వైద్య సహాయం కోసం నోయిడాలోని జిల్లా ఆసుపత్రికి తరలించాలని చంద్రచూడ్ పేర్కొన్నారు. దాంతో, తమ కారుణ్య మరణ పిటిషన్ ను ఆ తల్లిదండ్రులు వెనక్కు తీసుకున్నారు.
