అటు లగిచర్ల రైతులు హైదరాబాద్‌లోని తెలంగాణ భవన్‌కు వచ్చారు. లగిచెర్ల రైతులను ఢిల్లీ తీసుకెళ్తానని కేటీఆర్ హామీ ఇచ్చారు. లగిచెర్ల రైతులను జాతీయ మానవ హక్కుల కమిషన్, ఎస్సీ, ఎస్టీ కమిషన్ వద్దకు తీసుకెళ్తానని స్పష్టం చేశారు. ఇటు కలెక్టర్పై దాడి ఘ‌ట‌న‌లో నిందితుల‌ను క‌లిశారు మాజీమంత్రి సబితా ఇంద్రారెడ్డి. కలెక్టర్పై దాడి కేసులో అరెస్ట్ అయిన వారికి బీఆర్ఎస్ పార్టీ అండ‌గా ఉంటుందని భరోసా ఇచ్చారు. అరెస్ట్ అయిన వారిని పరిగి సబ్ జైలులో పరామర్శించానని.. గతంలో దాడులు జరిగాయని తెలిసి కూడా కలెక్టర్ ఎలాంటి ప్రొటెక్షన్ లేకుండా గ్రామంలోకి వెళ్లారని సబితా వ్యాఖ్యానించారు. పట్నం నరేందర్ రెడ్డిని రాజకీయ కక్షతోనే ఈ కేసులో ఇరికించారని ఆరోపించారు.
