ప్రాణాన్ని సులువుగా తీసేసే వ్యాధుల్లో డయాబెటిస్ ఒకటి. గాయం కనిపించనీయకుండా ఇది మరణానికి దగ్గర చేస్తుంది. రక్తంలో అధిక చక్కెర వల్ల ఈ మధుమేహం వ్యాధి వస్తుంది. ప్రపంచ ఆరోగ్య సంస్థ చెబుతున్న ప్రకారం మధుమేహం అనేది క్రానిక్, మెటబాలిక్ వ్యాధి. ఇది రక్తంలో గ్లూకోజ్ లెవెల్స్ ఎక్కువగా ఉండడం వల్ల వచ్చే రోగం. దీన్ని అశ్రద్ధ చేస్తే గుండె, రక్తనాళాలు, కళ్ళు, మూత్రపిండాలు, నరాలు అన్నీ దెబ్బతింటాయి. చివరికి మరణం కూడా సంభవించే అవకాశం ఉంది. మధుమేహానికి ముందే ప్రీ డయాబెటిస్ దశ వస్తుంది. ఆ దశలోనే లక్షణాలను జాగ్రత్తగా గుర్తిస్తే పూర్తి డయాబెటిక్ గా మారకముందే జాగ్రత్త పడవచ్చు.
